Monday, 24 July 2017

Siku 4 baada ya kukamatwa na Jeshi la Polisi Kanda Maalum ya Dar es Salaam na kuwekwa mahabusu,  Rais wa Chama cha Mawakili na Mbunge wa CHADEMA, Tundu Lissu leo July 24, 2017 amefikishwa Mahakama ya Hakimu Mkazi Kisutu akikabiliwa na kesi ya uchochezi.

Tundu Lissu alikamatwa July 20, 2017 akiwa Uwanja wa Ndege wa Kimataifa wa Julius Nyerere Dar es Salaam akielekea Rwanda kwenye mkutano wa Mawakili.

Rais Magufuli amesema siku hizi siyo vijana peke yao wanao haribu wanafunzi, na kwamba wapo wazee walioko shapu na hawapitwi kuwapa mimba wanafunzi, na kuwataka wenye tabia hiyo waache kwa sababu watafungwa kwa miaka 30.

Rais John Magufuli amesema wanaowapa mimba wanafunzi hawana budi kufungwa miaka 30 ili kukomesha suala hilo na kuwapa fursa watoto wasome kwani hao ndiyo viongozi wa kesho.

Rais amezungumza hayo jana  wakati wa uzinduzi wa barabara Kaliua, mjini Tabora, ambapo aliweka wazi kwamba wanaowapa mimba watoto wa shule siyo  vijana pekee bali wapo wazee nao wameingia kwenye mkumbo huo hali ambayo inawafanya mabinti washindwe klumaliza elimu ya sekondari.

“Wazee siku hizi wapo shapu kuliko vijana, wanawapa mimba wanafunzi, muwaache wasome, ukimpa mimba mwanafunzi unafungwa miaka 30 nguvu zako zikaishie gerezani,” amesema na kuwataka wanafunzi kusoma ili watimize ndoto zao. 
".....Soma kwanza, usipate mimba ukiwa shule, subiri umalize sekondari ndipo upate mimba,” amesema.

Pamoja na hayo Mhe. Magufuli amesema kuwa serikali yake imedhamiria kuwapatia wanafunzi wa kitanzania elimu.

"Tumeamua kutoa elimu ndiyo maana tumetenga bilioni 18.777 tunataka watoto wasome na wasipate mimba, naomba wajiepushe na mimba mpaka watakapotimiza malengo yao," aliongeza.
Wakati wenzao wakisema makosa manne ndiyo yanayoweza kumlazimu mtuhumiwa kupimwa mkojo, Jumuiya ya Afrika Mashariki imesema inafuatilia sakata la mbunge wa Singida Mashariki, Tundu Lissu anayeshikiliwa na Jeshi la Polisi.
Mwalimu  wa somo la Baiolojia katika shule ya sekondari ya wasichana ya St Therese  ambaye alidakwa akifanya mapenzi na mwanafunzi katika maabara ya shule hiyo amesimamishwa kazi akisubiri hatua za kinidhamu dhidi yake.

Ofisa Elimu wa Wilaya, Christopher Sinkamba akizungumza alisema kwamba maamuzi hayo yamechukuliwa baada ya wananchi wengi kulalamika. 
Sinkamba alisema mwalimu anayehusika ametambuliwa kama Raphael Mwape na kwamba sasa anasubiri hatua za kinidhamu dhidi yake.

Alisema kwamba utawala wa shule ulifikisha suala hilo Polisi lakini walishindwa kumshtaki kwa tuhuma za kubaka kwa kuwa binti huyo ni zaidi ya miaka 16. 
Na wakati alipoulizwa swali kwanini mwanafunzi huyo wa kike ametimuliwa shule, ofisa huyo alisema kwamba hawajamfukuza lakini walilazimika kumhamisha shule kutokana na sheria za shule hiyo.

Ilielezwa kuwa tukio hilo lilifanyika saa 12 jioni ambapo Mwape alionwa na mabinti wengine wawili wa shule hiyo akifanya mapenzi na binti huyo katika maabara B ya shule hiyo. 
Mwanafunzi huyo alisema kwamba hiyo haikuwa mara ya kwanza kwa mwalimu huyo kumuingilia na kwamba siku hiyo alilazimika kufanya hivyo baada ya kushinikizwa na mwalimu aliyemuita wakati akirejea bwenini.
 Alisema pamoja na kukataa kwake alimshinikiza kwa kudai kuwa alikuwa amemgharamia sana. Mwalimu huyo ana mke.
Muumini wa kanisa Katoliki, Adrian Mpande amepigwa risasi mbili akiwa anasubiri kuingia  kanisani katika Parokia ya Kibangu wilaya Ubungo jijini Dar es Salaam.

Kwa mujibu wa George Ng’atigwa ambaye ni shuhuda wa tukio hilo amesema kuwa Mpande alikuwa akisubiri kuingia kanisani majira ya saa tatu asubuhi lakini alikuja mtu mmoja aliyekuwa anatembea kwa miguu na kumpiga risasi ubavuni na mkononi, hali iliyosababisha aanguke na kupoteza fahamu.

Alisema kuwa mtu huyo alikimbia lakini watu waliokuwa maeneo hayo walifanikiwa kumkamata baada ya kuishiwa risasi wakati akijaribu kuwatishia.

Aliongeza kuwa baada ya kumkamata mtu huyo, waliwasiliana na jeshi la polisi ambalo lilifika na kuondoka naye kwa ajili ya taratibu za kisheria na kwamba majeruhi alikimbizwa katika Hospitali ya Taifa ya Muhimbili baada ya kupatiwa huduma ya kwanza katika zahanati iliyokuwa karibu.

Kamanda wa Polisi mkoa wa Kipolisi wa Dar es Salaam, Suzan Kaganda alithibitisha kutokea kwa tukio hilo na kueleza kuwa uchunguzi wa awali unaonesha kuwa limetokana na ugomvi wa kifamilia.

“Mtuhumiwa tunaye tunaendelea kumhoji na aliyejeruhiwa yuko hospitali anaendelea na matibatu katika Hospitali ya Taifa ya Muhimbili,” Kamanda Kaganda anakaririwa.
Baada ya Rais wa Jamhuri ya Muungano wa Tanzania, Dkt. John Magufuli kumpongeza David Kafulila kwa kuibua sakata la la IPTL lililowahusisha vigogo kutoka taasisi mbalimbali wakiwemo wanasiasa na viongozi kutoka Serikalini.

Kafulila ambaye alitangaza kukihama chama chake cha NCCR-Mageuzi na kujiunga na Chama cha Demokrasia na Maenfdeleo (CHADEMA), amesema kuwa amefurahishwa na kauli ya Rais Dkt. Magufuli kuhusu hatua alizochukua kuibua kashfa ya Escrow.

“Nimefurahishwa kuona mkuu wa nchi ameguswa na kutambua mchango wangu katika vita hii hatari ya ufisadi wa IPTL/Escrow kwakuwa imekuwa ikilitafuna taifa kwa muda mrefu sasa,”amesema Kafulila.

Aidha, amesema kuwa vita hiyo siyo ya kichama hivyo kila Mtanzania anatakiwa kuunga mkono ili kuweza kutokomeza na kuwakamata wale wote waliohusika na ufisadi huo ambao umeiliingizia taifa hasara kubwa.

Hata hivyo, ameongeza kuwa anatamani kuona hakuna jiwe lianalobaki katika ufisadi uliofanyika katika Akaunti ya Tegeta Escrow, ikwemo waliobeba mabilioni katika Lumbesa kutoka katika Benki ya Stanbic ambao hawajawahi kutajwa hadharani.

Akijibu swali kama sakata la Escrow ndilo lililosababisha yeye kushindwa kutetea jimbo lake, Kafulila amesema vita hiyo imemgharimu mambo mengi huku jimbo hilo likiwa ni sehemu moja,

“Jimbo hilo sikushindwa bali nilinyang’anywa baada ya kuibiwa sana ikashindikana. Nilinyang’anywa na rekodi zipo na ninaweza kuzionyesha na ushahidi wa nguvu zilizotumika kuninyang’anya jimbo hazikuwa nguvu za kawaida,” amefunguka Kafulila.

Akizungumza jana na wakazi wa Kata ya Nguruka, Wilayani Uvinza, Mkoani Kigoma, Rais Magufuli alisema kuwa akiondoka hapo bila kumpongeza Kafulila atakuwa amefanya dhambi ya unafiki itakayompeleka motoni.

Alisema anatambua kwamba Kafulila yupo chama kingine, lakini kwenye suala la IPTL, aliweka maslahi ya Taifa mbele na kusimamia ukweli, hivyo anampongeza sana na pongezi hizo ni za dhati kwani zinatoka moyoni.

Aliongeza kuwa wizi uliokuwa unafanywa na IPTL ni mkubwa mno na Kafulila alisimama kutetea Umma wa Watanzania.

“Wakamtisha wengine hadi kumpeleka mahakamani, wakamtukana wee, wengine wakamuita tumbili, sasa tumbili amefanya makubwa kwa ajili ya Watanzania. Wao ndio matumbili sasa, huyu (Kafulila) alifanya kazi ya Mungu kuwatumikia Watanzania,”
alisema Rais Magufuli.
Rais wa Jamhuri ya Muungano wa Tanzania Mhe. Dkt. John Pombe Magufuli  jana tarehe 23 Julai, 2017 ameweka jiwe la msingi la mradi wa maji wa Nguruka uliopo katika Wilaya ya Uvinza Mkoani Kigoma na kufungua miradi miwili ya barabara za Kaliua – Kazilambwa na barabara ya Tabora – Ndono – Urambo.

Mradi wa Maji wa Nguruka ambao utakamilika tarehe 31 Desemba, 2017 utagharimu Shilingi Bilioni 2.87 na ni miongoni mwa miradi 1,810 ya maji inayotekelezwa na Serikali kwa kutumia fedha za mfuko wa maji nchi nzima ambapo mpaka sasa miradi 1,333 kati yake imekamilika na miradi 477 ipo katika hatua mbalimbali za utekelezaji.

Barabara ya Kaliua – Kazilambwa ina urefu wa kilometa 56 imejengwa kwa gharama ya Shilingi Bilioni 61.86 na barabara ya Tabora – Ndono – Urambo yenye urefu wa kilometa 94 imejengwa gharama ya Shilingi Bilioni 118.96, fedha za miradi yote miwili zimetolewa na Serikali ya Tanzania.

Akizungumza na wananchi katika sherehe za miradi hiyo pamoja na wananchi waliokuwa wakisimamisha msafara wake katika vijiji vya Uvinza, Mpeta, Usinge, Isawima, Igagala, Ndono, Kalola na Ilolangulu, Mhe. Rais Magufuli aliyeongozana na Mkewe Mama Janeth Magufuli alimuagiza Waziri wa Ujenzi, Uchukuzi na Mawasiliano Prof. Makame Mbarawa Mnyaa kuhakikisha barabara za Urambo – Kaliua yenye urefu wa kilometa 28 inaanza kujengwa ndani ya mwezi mmoja na barabara ya Nyahua – Chaya yenye urefu wa kilometa 85 inaanza kujengwa ndani ya mwezi mmoja na nusu kwa kiwango cha lami.

Mhe. Rais Magufuli pia amewahakikishia wananchi wa Uvinza kuwa Serikali imeshapata fedha za kujenga barabara ya Uvinza – Malagarasi yenye urefu wa kilometa 50 na amemuagiza Waziri Mbarawa kuanza maandalizi ya ujenzi wa barabara ya Kazilambwa – Chagu yenye urefu wa kilometa 41.

Mhe. Rais Magufuli alisema Serikali imeweza kutekeleza miradi hiyo kwa fedha zake inazozipata kutokana na makusanyo ya kodi hivyo amewataka Watanzania kuhakikisha wanalipa kodi ipasavyo na wanadai risiti kila wanaponunua bidhaa na kwamba Serikali ya Awamu ya Tano itaendelea kukabiliana na mianya yote ya upotevu na matumizi mabaya ya fedha za Serikali.

Aidha, Mhe. Rais Magufuli amewataka wananchi hao kuhifadhi mazingira kwa kujiepusha na vitendo vya ukataji miti katika maeneo ya hifadhi na kupunguza idadi kubwa ya mifugo inayozidi uwezo wa maeneo ya malisho waliyonayo na amekataa ombi la wananchi wa Kijiji cha Isawima waliotaka kuongezewa eneo la Kijiji hicho kwa kilometa 20 zaidi kuingia hifadhini.

Kuhusu tatizo la soko la tumbaku linalowakabili wakulima wa zao hilo mkoani Tabora Mhe. Dkt. Magufuli amewataka wakulima kuwa na subira kwa kuwa Serikali kupitia kwa Waziri Mkuu Mhe. Kassim Majaliwa Majaliwa imeanza kushughulikia tatizo hilo.

Katika ziara ya hiyo Mhe. Rais Magufuli aliongozana na Mawaziri wawili Prof. Makame Mbarawa Mnyaa na Prof. Joyce Ndalichako, Mwenyekiti wa Kamati ya Kudumu ya Bunge Kilimo, Mifugo na Maji Mhe. Daniel Nzanzugwanko na Mwenyekiti wa Kamati ya Kudumu ya Bunge ya Miundombinu Mhe. Prof. Norman Sigalla King na Wabunge wa Mkoa wa Tabora ambao wamempongeza kwa kazi nzuri inayofanywa na Serikali na wamesema wanaunga mkono juhudi hizo.

Leo  tarehe 24 Julai, 2017 Mhe. Rais Magufuli ataendelea na ziara yake hapa Tabora ambapo ataweka jiwe la msingi la mradi wa maji kutoka ziwa Victoria, atafungua mradi wa upanuzi wa uwanja wa ndege wa Tabora eneo la Kaze-Hill, atafungua barabara za Tabora – Nyahua na Tabora – Nzega na atazungumza na wananchi katika uwanja wa Ali Hassan Mwinyi Mjini Tabora.

Gerson Msigwa
Mkurugenzi wa Mawasiliano ya Rais, IKULU
Tabora

Sunday, 23 July 2017




Waziri Mkuu, Kassim Majaliwa akizungumza na Watumishi wa Umma, Viongozi wa Dini na Viongozi wa Taasisi Binafsi wa wilaya ya Mbozi kwenye ukumbi wa Shule ya Sekondari ya Wasichana ya Vwawa wilayani Mbozi Julai 23, 2017. Kulia ni mkewe Mary na kushoto ni Mkuu wa Mkoa wa Songwe, Chiku Galawa Wapili kushoto ni Mwenyekiti wa CCM wa mkoa wa Limdi, Erasto Zambi. (Picha na Ofisi ya Waziri Mkuu)
1 (1)
Rais wa Jamuhuri Jamuhuri ya Muungano wa Tanzania Dkt John Pombe Joseph Magufuli mapema asubuhi ya tarehe 23 Julai 2017 akihutubia wananchi wa kijiji cha LUCHUGI-UVINZA Mkoani Kigoma akiwa njiani kuelekea Mkoani Tabora Kuanza Ziara ya Kiserikali Mkoani Humo Julai 23,2917.


 
Kaimu Rais wa Shirikisho la Mpira wa Miguu Tanzania, Wallace John Karia amempongeza Leodegar Chilla Tenga – Rais wa Heshima wa TFF kwa kuteuliwa kuwa Makamu wa Rais wa Kamati ya Ufundi na Maendeleo ya Shirikisho la Mpira wa Miguu Afrika (CAF).

Leodegar Chilla Tenga aliteuliwa Ijumaa iliyopita katika Mkutano Mkuu wa CAF uliofanyika mjini Rabat nchini Morocco ambako katika kamati hiyo muhimu, Rais wa zamani wa Shirikisho la Mpira wa Miguu Zambia (FAZ), Kalusha Bwalya.

“Hii ni sifa kwa nchi. Na ni sifa kwa Mheshimiwa Tenga. Tunajisikia fahari Tanzania kung’ara katika medani za uteuzi katika vyombo vya kimataifa kama CAF. Uteuzi wake ni kwamba anafungua njia kwa nchi na wengine ili kufanya vema,” anasema.

Karia amesema ana imani na Tenga na Bwalya katika kamati yao kwa sababu ni wachezaji na manahodha wa zamani wa timu za taifa. Itakumbukwa kwamba Tenga alikuwa akicheza kama mlinzi Bwalya alikuwa mshambuliaji. “Wote ni wataalamu. wanajua, tutafanikiwa.”

Katika mkutano huo mbali na kuteua akina Tenga na kuunda kamati nyingine, pia ulifanya marekebisho ya muundo wa mashindano ya Kombe la Mataifa ya Afrika (AFCON) na sasa yatakuwa yakifanyika katikati ya mwaka badala ya mwanzoni mwa mwaka.

Kwa miaka ya nyuma hadi mwaka huu ambako michuano hiyo ilifanyika Gabon, ilikuwa ikifanyika kuanzia katikati ya Januari hadi Februari. Mbali na kuzitoa Fainali za AFCON katikati ya mwaka hadi mwanzoni, pia idadi ya timu za kushiriki zimeongezwa kutoka 16 hadi 24 ambako sasa utakuwa na timu washindwa 10 badala ya mbili kama ilivyokuwa awali.

“Watanzania wasikate tamaa, hata kama kwa mfumo wa sasa unaofutwa au tuseme kubadilishwa, bado tuna malengo yetu yalikuwa ni kufuzu, Tunajipanga kwa hali ya sasa na hatujaanza vibaya na Lesotho. Bado tuna nafasi,” amesema Karia.

Michuano hiyo kuhamishwa kutoka Januari na Februari hadi Juni na Julai kuanzia Fainali za mwaka 2019 nchini Cameroon.

Hii si mara ya kwanza kwa Tenga aliyepata kuwa Mwenyekiti wa Baraza la Vyama vya Mpira wa Miguu Afrika Mashariki na Kati (CECAFA), bali amekuwa akiteuliwa mara kwa mara kuwa Mjumbe wa Kamati mbalimbali za CAF. Hongera sana Rais wa Heshima wa TFF, Leodegar Chilla Tenga.
Chama Cha Mapinduzi (CCM) kupitia kwa Katibu wa Itikadi na Uenezi wake, Humphrey Polepole kimetangaza kutoa mikopo kwa wanafunzi wa vyuo vikuu nchini ambao wamekosa mikopo ya kuendelea na masomo na wanafunzi ambao ni yatima.

Taarifa iliyotolewa na Polepole inasema kuwa wanafunzi hao wanapswa kufika katika Ofisi Ndogo ya Makao Makuu ya Chama Cha Mapinduzi (CCM) ili waweze kusaidiwa shida zao hizo za mikopo, jambo ambalo limepokewa tofauti na baadhi ya watu wakidai kuwa suala la kutoa mikopo kwa wanafunzi ni jukumu la bodi ya mikopo. 
Kutokana na mitazamo ya watu kuwa tofauti katika jambo hili, Humphery Polepole aliibuka na kusema kuwa upinzani wa Tanzania ni mtihani mkubwa kwani wanapojaribu kutatua matatizo ya watu wanakujua juu na wasipotatua matatizo pia wanakuja juu.

"Tukikaa kimya kwa shida za watu inakuwa tatizo, tukishughulika na shida za watu inakuwa tatizo kubwa. Huu upinzani mtihani" alisema Polepole
Baada ya jeshi la polisi kumkamata Tundu Lissu siku ya Alhamsi uwanja wa ndege akiwa anaelekea nchini Rwanda. Jana jeshi hilo lilikwenda kufanya upekuzi nyumbani kwa Mbunge wa Singida Mashariki (CHADEMA) ambaye pia ni Mwanasheria Mkuu wa chama hicho.

Siku ya jana Ijumaa ya tarehe 21/07/2017  jeshi la polisi walimchukua Tundu Lissu na kwenda naye mpaka kwa Mkemia Mkuu wakiwa na lengo la kutaka kumpima mkojo kabla ya kuelekea nyumbani kwake kufanya ukaguzi. Lakini kiongozi huyo aligoma kufanya kipimo hicho kwa madai kuwa tuhuma anazotuhiwa haziendani na vipimo hivyo.

Kwa mujibu wa Tumaini Makene ambaye ni Afisa habari wa (CHADEMA) anasema kuwa jana polisi baada ya kufanya ukaguzi nyumbani kwa Tundu Lissu waliweza kuchukua CD 6 na kuondoka nazo. 

"Jeshi la Polisi bado linamshikilia, Mhe. Tundu Lissu, Kwenye upekuzi jana nyumbani kwake walichukua CD 6 za 1996 zinazohusu masuala ya mgodi wa Bulyag'hulu, Shinyanga" ilisema taarifa ya CHADEMA

Leo ni siku ya pili toka kiongozi huyo anashikiliwa na jeshi la polisi Dar es Salaam lakini Wakili Peter Kibatala pamoja na Wakili Fatma Karume wa IMMA Advocates kwa upande wao wanasema wanaendelea na juhudi za kisheria kuhakikisha kiongozi huyo anapatiwa dhamana au kufikishwa mahakamani mapema iwezekanavyo.

Thursday, 18 June 2015

Nyumba inayoishi familia hiyo.

INATISHA! Familia ya Zidadu Kasimu (34) inayoishi Mlandizi, Pwani inakumbwa na mauzauza nyakati za usiku kwenye nyumba yao baada ya wageni wanaofika na kulala vyumbani kusimulia visa vya kutisha vinavyohusisha ushirikina.

Baba mama na mtoto wao wakiwa na huzuni.

Akizungumza na gazeti hili mwishoni mwa wiki iliyopita, Zidadu alisema vitimbwi hivyo vilianza mwaka 2004 baada ya wageni wake kusimulia ndoto za ajabu, majinamizi, kuguswa na mtu asiyeonekana na kusikia sauti za watu wakitwanga mpunga.

“Yaani kaka ilifikia hatua wageni wakija wanakimbia usiku, wengine wakiamka wanaondoka bila kuaga na hawarudi tena, sasa tumefunga vyumba hivyo tunalala wote chumba kimoja ambacho hakina mauzauza,” alisema Zidadu.

Mke wa Zidadu, mama Mau alisema licha ya mauzauza, pia kuna wakati fedha zao hupotea kiajabu na kuna siku walishangaa kuona mfupa ukitoka chooni na kuingia uvunguni mwa kitanda jambo lililowashtua sana.




Mbunge wa Jimbo la Shinyanga mjini, Stephen Masele (kulia) akisalimiana na Naibu waziri wa fedha nchini, Mwigulu Nchemba muda mfupi mara baada ya (Nchemba) kuwasili katika ofisi za CCM Shinyanga mjini, wakati Nchemba alipokuwa akitafuta wanachama wa CCM wa kumdhamini. Kulia mwanzoni ni mmoja wa wajumbe wa kamati ya siasa, Rajabu Abasi -Picha na Suleiman Abeid


Mbunge wa Jimbo la Shinyanga mjini, Stephen Masele ametoa ufafanuzi kuhusiana na madaiya kumuunga mkono mmoja wa makada wa Chama cha Mapinduzi (CCM), wanaowaniakugombea urais kwa tiketi ya CCM na kukanusha habari zilizoandikwa nabaadhi ya vyombo vya habari vilivyodai amejiunga kwenye kambi ya MheshimiwaEdward Lowassa.




Masele ambaye pia ni Naibu waziri wa nchi Ofisi ya Makamu wa Rais (Mazingira) alitoaufafanuzi huo juzi alipokuwa akimkaribisha kada mwingine wa CCM, MwiguluNchemba aliyefika katika ofisi za CCM Shinyanga mjini kwa ajili ya kutafutawana CCM wa kumdhamini ili aweze kuteuliwa kugombea urais kwa tiketi ya CCM.




AkifafanuaMasele alisema yeye kama mbunge wa Jimbo la Shinyanga mjini ni wajibu wake pamojana viongozi wengine wa CCM wilayani humo kuhakikisha wanamsaidia kada ye yotewa chama anayekwenda kwa ajili ya kutafuta wadhamini na hakuna mtu anayemuunga mkono miongoni mwa waliotangaza nia ya kugombea urais kwa vile
wote ni wake.




“Sisi kama wajumbe wa kamati ya siasa ni wajibu wetu kuandaa mazingira mazuri kwa watangaza nia wetu na makada wenzetu wote wanaokuja katika eneo letu hili, na mimi kama mbunge ninao wajibu kabisa wa kushiriki kikamilifu kuhakikisha kwamba mambo yote yanakuwa sawasawa, nawapongeza wale wote mliojitokeza kumdhamini pia mwenzetuMwigulu Nchemba,”.




“Sisi huku wengine siyo wajumbe wa NEC na walasiyo wajumbe wa Kamati kuu, lakini ni wajumbe wa mkutano mkuu wa CCM Taifa, kazi yetuni kusubiri vikao vya juu vya chama vifanye kazi yake na hatimae vitatuletea mgombea wa CCM na tutapigana kufa na kupona kuhakikisha chama chetu kinashinda,”alieleza Masele.




Kwa upande wake kada wa CCM na Naibu waziri wa fedha, Mwigulu Nchemba akizungumza na wanachama wa CCM 45 waliojitokeza kumdhamini wakiwemo wazee maarufu wa mjini Shinyanga alisema moja ya lengo lake kuu la kutaka kugombea nafasi ya urais waJamhuri ya Muungano wa Tanzania ni kuwavusha watanzania kuelekea katika taifa lenye uchumi wa kati.




Mwigulu alisema anaamini mgombea wa CCM ndiye atakayeibuka na ushindi mkubwa katikauchaguzi mkuu wa Oktoba 25, mwaka huu na kwamba wanachosubiri watanzania walio wengi hivi sasa ni kuona chama chake kinampa ridhaa ya kupeperusha bendera yaCCM ili waweze kumchagua.




“Vyanzo vyangu vya habari na taarifa mbalimbali zinaonesha watanzania wengi wanasubiri chama changu kinipe ridhaa ya kupeperusha bendera ili wao waweze kuunga mkono agenda yao waliyoiona tangu nilipotangaza nia ya kugombea urais, sina mashaka ndani ya chama na nje ya chama kwamba agenda ya watanzania ikishindanishwa na jambo lolote itashinda tu,”




“Kwa wana CCM, CCM inapata uhalali wa kuongoza taifa letu kwa aina tatu ikiwemokutoka urithi wa vyama vilivyokomboa taifa letu, pili kwa kazi ilizozifanya kwakuunda serikali tangu ilipoanzishwa mpaka hivi sasa na kazi zakuliletea taifa hili maendeleo tangu ilipoanzishwa mpaka hivi leo, na pia sifa yatatu ni kwa kazi inazotarajia kwenda kuzifanya sasa,” alieleza Nchemba.




Aidha kada huyo wa CCM alirejea kauli zake za awali kwa kueleza kuwa moja ya agenda yakekuu atakapofanikiwa kuingia Ikulu ni kuifanya Tanzania kuwa nchi ya kipato chakati pamoja na watanzania wenyewe kuwa watu wa nchi ya kipato cha kati na waondokane na kauli ambayo wameisikia muda mrefu ya uchumi kukua huku wao wakiona umasikini ndiyo unaokua.




Katika hatua nyingine Mwigulu alikanusha madai kwamba kitendo cha kujitokeza idadikubwa ya makada wa CCM kutaka kuteuliwa kugombea urais wa Jamhuri ya Muungano wa Tanzania itakuwa ni chanzo ya chama hicho kusambaratika baada ya majina yamakada wengi kukatwa wasiweze kugombea nafasi hiyo.




“Si kweli kwamba eti CCM itasambaratika mara baada ya uteuzi wa mgombea wake katikanafasi ya urais wa Jamhuri ya Muungano, tupo imara na tutaendelea kuongoza nchihii, hatuwezi kusambaratika, maana watanzania hawataangalia sura ya mtu,wataangalia agenda kuu watakayoisimamia ili kuifanya nchi kuwa ya uchumi wakati,” alieleza Nchemba.




Aidha alitoa wito kwa wana CCM katika dua zao zote kuhakikisha wanatafuta mgombea waCCM anayetokana na CCM na siyo yule mgombea aliyepitia CCM na kwamba yeye mwenyewe anaamini amejitokeza katika wakati sahihi na kwa mahitaji sahihi yawatanzania na kwamba anaamini akichaguliwa kuwa rais atawavusha.




Na Suleimna Abeid

Monday, 30 December 2013

The rankings of Africa’s top higher education institutions is provided by the 4 International Colleges & Universities (4icu). 4icu  is an international higher education search engine and directory reviewing accredited Universities and Colleges in the world. 4icu.org includes 11,160 Colleges and Universities, ranked by web popularity, in 200 countries. 
A quick look shows that South African universities dominate the top despite the fact

Wednesday, 11 December 2013


Stori:Na Mwandishi wetu
NGUZA Mbangu, mtoto mkubwa wa mwanamuziki mahiri wa muziki wa dansi anayetumikia kifungo cha maisha jela, Nguza Viking maarufu kama Babu Seya, amesema mzazi wake pamoja na mdogo wake, Papii, ni lazima wataachiwa huru hivi karibuni.
Mbangu, ambaye pia hufahamika kisanii kama Mashine, ambaye hivi sasa ni mwinjilisti, alitoa kauli hiyo hivi karibuni alipozungumza na gazeti hili, akisema kuwa kutolewa jela kwa ndugu zake hao, kutawafanya Watanzania kumsujudia Mungu kupitia tukio hilo.
“Amini nakuambia, Mungu amenipa maono, Babu Seya na Papii wako huru, watatoka tu, kinachosubiriwa ni muda tu ambao hauko mbali, ni lazima watatoka kwa sababu hawana hatia,” alisema Mbangu, ambaye pia alihukumiwa kifungo cha maisha jela kama mzazi wake, lakini akaachiwa wakati walipokata rufaa kwa mara ya kwanza mahakamani.
Alisema tukio hilo litakapotokea, litawafanya Watanzania wote kumsujudia mwenyezi Mungu, kwa sababu litakuwa ni ishara ya uwezo wake katika kutenda maajabu.
Babu Seya na Papii walihukumiwa kifungo cha maisha jela mwaka 2004 baada ya kupatikana na hatia ya kuwanajisi watoto wa Shule ya Msingi Mashujaa iliyopo Sinza. Hata hivyo, jitihada zao za kujinasua kwa mara ya mwisho ziligonga mwamba hivi karibuni baada ya jopo la majaji watatu kutupilia mbali maombi ya kuachiliwa huru baada ya kufanya mapitio ya kesi hiyo iliyovuta hisia za watu wengi nchini.
 
source:eddy.com

TUME ya Taifa ya Uchaguzi Tanzania (NEC), imepata pigo baada ya Mamlaka ya Rufaa za Zabuni za Umma (PPAA), kuizuia isitoe zabuni za kuandaa vifaa vya uchaguzi vya kielektroniki kwa kampuni za M/S Jazzmatrix Cooperation na M/S Invu IT Solution zenye thamani ya sh bilioni 126.3.

PPAA imefikia hatua hiyo baada ya kampuni za M/S Morpho na M/S IRIS Corporation Technology kukata rufaa kupinga uamuzi wa NEC kutoa zabuni kwa kampuni hizo.

M/S Morpho ililalamika kutofahamishwa namna walivyokosa vigezo vya kupata kazi hiyo iliyoahidi kuifanya kwa sh bilioni 97.8 lakini zikapewa kampuni zilizoahidi kuifanya kwa sh bilioni 126.3.

Kwa mujibu wa taarifa za mtandao wa PPAA, uamuzi huo ulifikiwa mwezi uliopita ambapo NEC imeamriwa kurudia upya mchakato mzima wa kutoa zabuni, ikiwemo kutangaza katika vyombo mbalimbali vya habari kwa utaratibu unaokubalika.

Mkakati wa NEC kutoa zabuni kwa kampuni hizo uliibuliwa na Mbunge wa Kigoma Kaskazini, Zitto Kabwe (CHADEMA), ambapo alisema ulikuwa na lengo la kukibeba Chama cha Mapinduzi (CCM) katika uchaguzi wa serikali za mitaa na uchaguzi mkuu wa 2015.

Zitto alisema lengo ni kuhakikisha mchakato wa vitambulisho vya kupigia kura vya kielektroniki vinakuwa na faida kwa CCM na kukiingizia fedha chama hicho za kutumia kwenye uchaguzi huo kupitia mfumo huo dhaifu wa vitambulisho hivyo.

Kampuni zilizokosa tenda zililalamika kwa mkurugenzi wa NEC namna mchakato wa kutoa zabuni hiyo ulivyoendeshwa, na kwamba ulikuwa haujawatendea haki ikiwa ni pamoja na kutofahamishwa sababu zilizowafanya wakose kazi hiyo.

Kampuni hizo zilihoji njia na sababu zilizowafanya wakose tenda hiyo licha ya kuwa na uzoefu, vifaa bora pamoja na kuwa na kiwango kidogo cha gharama tofauti na kampuni iliyopewa kazi.

Katika moja ya malalamiko yao, Kampuni ya M/S Morpho ililalamika kutofahamishwa namna walivyokosa vigezo vya kupata kazi hiyo licha ya kuwa na sifa za kimataifa za kufanya kazi, huku ikiwa imetoa bei nafuu kuliko kampuni iliyopata kazi.

“Tulikuwa miongoni mwa washindani muhimu kwa kuwa kiwango chetu kilikuwa ni sh bilioni 97.8 ambazo ni sawa na euro 44,939,912, ujuzi, vigezo na uzoefu wetu havilingani, duniani kote tumefanya kazi katika maeneo mengine kwa ufanisi na tunashindwa kuelewa kivipi walishinda hao ambao wamepata kazi kwa kiwango cha zaidi ya sh bilioni 27.8 ikilinganishwa na yetu,” ilisomeka sehemu ya barua yao ya malalamiko waliyopeleka NEC.

Tanzania Daima Jumatano, lilimtafuta Mkurugenzi wa NEC, Julius Mallaba, ambaye hata hivyo hakuwa tayari kueleza hatua watakazozichukua dhidi ya uamuzi huo.

“Siwezi kuliongelea suala hilo kwenye simu…nakuomba ndugu yangu tuonane kesho nitakupa ufafanuzi wa kina juu ya suala hilo,” alisema.

Hisani ya Tanzania Daima



KUNA taarifa zilizagaa kuwa msanii mkongwe wa vichekesho na maigizo nchini, Said Ngamba ‘Mzee Small’ amefariki dunia. 

Taarifa hizo ni za uongo na uzushi maana mwandishi wetu ameongea na mke wa Mzee Small pamoja na Mzee Small mwenyewe ambaye ni mzima kabisa!  Mke wa Mzee Small anadai usiku kucha hajalala maana alikuwa anapokea meseji za pole kutoka kwa watu mbalimbali kuhusu taarifa hizo za uzushi. 

Mzee Small mwenyewe amesema: "Mimi ni mzima kabisa japo bado nasumbuliwa na ugonjwa wa kiharusi (stroke)"


Viongozi mbali mbali pamoja na raia wa Afrika Kusini wanaendelea kutoa heshma za mwisho kwenye mwili wa aliyekuwa rais wa kwanza mweusi wa Afrika Kusini Marehemu Nelson Mandela ambao umelazwa kwenye ikulu ya Afrika Kusini mji Mkuu wa Pretoria, ambapo utalala hapo kwa siku tatu.
Mwili ulichukuliwa katika msafara kutoka chumba cha maiti cha hosptali hadi kwenye jengo la Muungano.
Msafara wenye jeneza la Marehemu uliondoka mjini katika Hosptali ya jeshi muda mfupi siku ya jumatano. Jeneza lilibebwa kwenye gari maalum na kufunikwa bendera ya Afrika Kusini.
Wananchi walijipanga kando kando ya barabara lilipopitishwa jeneza kama ishara ya kutoa heshma za mwisho kwa mwili wa marehemu.
Msafara ulipita katika mitaa huku baadhi ya raia wakikimbia pembeni kwenye mstari wa askari wa wanajeshi Mwandishi BBC's Joseph Winter katika mji wa Pretoria amesema.
Wanajeshi waliobeba jeneza hilo walisonga hatua kwa hatua hadi katika Majengo ya Muungano eneo alikoapishwa kuwa rais wa kwanza mzalendo wa Afrika kusini 1994.
Wanachi, wakuu wa nchi walioalikwa na wageni wengine wa kimataifa watapata nafasi ya kutoa heshima za mwisho kwenye mwili wa marehemu aliyefariki alhamisi akiwa na umri wa miaka 95.
Wageni hata hivyo hawaruhusiwa kupiga picha.
Leo jioni wasanii mbali mbali wa Afrika Kusini watashiriki katika tamasha maalum la kumuenzi Mandela na ambalo wananchji wataruhusiwa kuhudhuria bila malipo.
Marehemu Mandela atazikwa nyumbani kwake katika kijiji Qunu katika jimbo la Cape Mashariki siku ya jumapili.
Maelfu ya raia wa Afrika ya kusini hapa jana waliungana na viongozi mbali mbali duniani katika ibada ya kumbu kumbu siku ya jumanne kama sehemu ya mfululizo wa maombolezo kifo chicho.
BBC


WANAFUNZI wa vyuo vikuu nchini wameshauriwa kuacha kujihusisha katika biashara zisizofaa za kuuza miili yao kwa kisingizio cha ugumu wa maisha. 
Rai hiyo ilitolewa hivi karibuni na Mwenyekiti wa Shirika lisilo la kiserikali linalojihusisha na vijana lijulikanalo kama Restless Development, Joseph Bukula, alipokuwa akizungumza na waandishi wa habari katika uzinduzi wa upimaji afya kwa hiari uliofanyika katika Chuo Kikuu cha Dodoma (UDOM).
 

Bukula alisema vijana wanachotakiwa kufanya kwa wakati huu ni kuhakikisha kuwa wanajitambua kwa kufanya kile kilicho wapeleka chuoni na si kujiingiza katika biashara zisizofaa na zinazoshusha maadili yao.
 
Alibainisha kuwa vijana wengi hasa waliopo katika vyuo mbalimbali wamekuwa wakiingia katika mitego inayowapelekea kujikuta wakipata maambukizi ya virusi vya Ukimwi kutokana na wao kushindwa kujitambua.
 
"Kijana kama atajitambua anaweza kufanya mambo yake bila hofu yoyote pia haitakuwa rahisi kwa yeye kudanganyika kwani kujitambua kwake kutamjengea kujiamini," alisema Bukula.
 
Aidha alisema bado kuna changamoto kubwa ya elimu kwa vijana juu ya masuala ya upimaji Ukimwi kwa hiari kutokana na kutokwepo kwa idadi kubwa ya watu wanaojitokeza.
Alisema lengo la kuendesha zoezi hilo la upimaji katika chuo hicho ni kuwasaidia vijana kutambua afya zao pia kupata elimu ya maambukizi hayo na kuweza kujikinga.
 
"Restless inatoa elimu kwa vijana juu ya ugonjwa wa Ukimwi kwa vijana wa chuo hiki lakini ambapo pia tumezindua bango chuoni hapa lenye ujumbe kwa jamii linalosema eneza elimu na si virusi," alisema Bukula.
 
Naye Mratibu wa miradi wa shirika hilo Selestine Ngowi, alisema kuwa mradi huo wa kutoa elimu kwa vijana utakuwa endelevu ili kuweza kuwasaidia vijana walioko chuoni na mitaani kuweza kujikinga na virusi vya Ukimwi.
 
Ngowi alisema kuwa pia wamekuwa wakitumia njia mbalimbali ikiwemo redio kuwafikishia vijana elimu inayohusu masuala ya virusi vya Ukimwi na Ukimwi ili kuweza kupunguza maambukizi mapya kwa vijana.

-Habari leo

Friday, 6 December 2013

Mwanamuziki Robert Sylvester Kelly "R. Kelly" akiwa na Nelson Mandela enzi za uhai wake.
 



Rais wa Afrika Kusini Jaccob Zuma atangaza kifo cha Nelson Mandela kilichotokea December 05, 2013 huko Johannesburg nchini Afika ya Kusini. Mzee Nelson Mandela alizaliwa July 18, 1918, in Mveso, Transkei, South Africa. 
Marehemu mzee Nelson Mandela amefariki akiwa na umri wa miaka 95  na yeye ndiye aliongoza Afrika Kusini kutoka mikononi mwa watawala wa enzi ya ubaguzi wa rangi nchini Afrika Kusini baada ya kufungwa jela kwa miaka 27
Mandela alikua anapokea matibabu ya homa ya mapafu nyumbani kwake baada ya kulazwa hospitalini kwa miezi mitatu.
Katika taarifa yake kwa watu wa Afrika Kusini, Rais wa taifa hilo, Jacob Zuma , alisema kuwa Mandela amewaaga lakini yuko mahali salama.
Mnamo mwaka 2005, Mandela alitangaza kwa taifa kua mwanawe wa kume alifariki kutokana na ugonjwa wa Ukimwi.
Rais Zuma amesema kuwa taifa limepoteza mtu waliyemjua kama mtoto wa taifa hilo.
Mandela aliwahi kushinda tuzo ya amani ya Nobel, na kutambulika kama rais aliyeheshimika sana hasa kwa kupatanisha watu wa Afrika Kusini baada ya kuondoka gerezani.
Hakuonekana sana hadharani tangi alipostaafu mwaka 2004.


Uongozi wa mtandao huu unatoa pole kwa ndugu, jamaa na marafiki wa Mzee Nelson Mandela

Thursday, 5 December 2013


SAMAHANI KWA PICHA HIZI..

 
Mwili wa jambazi hilo ukiwa katika hospitali ya wilaya ya Kahama
Kijana mmoja ambaye hajatambulika jina lake mwenye umri kati ya miaka 26 hadi 30 ameuawa kwa kupigwa risasi wakati akiwa na wenzake wakijaribu kuvunja duka maeneo ya Shunu, kata ya Nyahanga wilayani Kahama mkoani Shinyanga.
Tukio hilo limetokea majira ya saa nane usiku wa kuamkia leo ambapo jambazi hilo likiwa na wenzake watatu liliuawa kwa kupigwa risasi kichwani na Wilson Masolwa (63) mkazi wa mtaa huo ambaye alijeruhiwa kwa mapanga.
Mtu huyo ameuawa kwa Bunduki aina ya Shortgun ambayo hata hivyo wenzake waliipora baada ya kumkata mapanga Masolwa na kupoteza fahamu.
Akizungumzia tukio hilo mmiliki wa nyumba hiyo Yasinta Patrick (32) amesema mtu huyo na wenzake walivamia katika nyumba yake, ambayo ameipangisha kwa wafanyabiashara wawili wa kutoa na kutuma fedha kwa njia ya mtandao.
Mmiliki wa nyumba iliyovamiwa Bi Yasinya Patrick
Yasinta ambaye pia amejeruhiwa kiasi amesema lengo la majambazi hao lilikuwa ni kuiba pesa katika maduka hayo baada ya kumfuata katika chumba kingine alichokuwa amelala na kumpiga huku wakimtaka atoe pesa za biashara hiyo.
Kwa upande wake Masolwa amesema baada  kusikia kelele alifika katika eneo la tukio na ndipo majambazi hao walianza kumkata mapanga kabla ya yeye kumpiga risasi ya kichwa mmoja wao na kufariki dunia papo hapo.
Mzee Masolwa alivyojeruhiwa wakati akipambana na majambazi hayo
Kaimu kamanda wa polisi mkoa wa Shinyanga ACP Kihenya Kihenya amethibitisha kutokea kwa tukio hilo na  kwamba Masolwa amefikishwa katika Hospitali ya wilaya ya Kahama kupatiwa matibabu na kuruhusiwa na kwamba hali yake inaendelea vizuri.
 
Kaimu kamanda wa polisi mkoni Shinyanga, Kihenya Kihenya
Kamanda Kihenya mwili wa marehemu huyo umehifadhiwa katika hospitali ya wilaya ya Kahamaa na kwamba jeshi la polisi linaendelea na msako wa kuwabaini na kuwakamata wahusika watatu waliotoroka ikiwa ni pamoja na bunduki waliyoipora.
Maduka yaliyokuwa yakifanyiwa uhalifu na majambazi hayo
                                                                                        
picha zote na (faraji mfinanga)


 
Bibi Lucia alivyokatwa panga
Mama mmoja aliyetajwa kwa jina la Lucia Mgonga (55) mkazi wa kijiji cha Mega wilayani Kahama mkoani Shinyanga ameuwawa kwa kukatwa Mapanga na watu wasiojulikana.

Tukio hilo la kutisha limetokea Usiku wa kuamkia juzi majira ya saa mbili usiku wakati bibi huyo akiwa na wajukuu zake wakipata chakula cha jioni.


Marehemu akiwa katika eneo alilokuwa akila chakula na wajukuu zake
Marehemu amepoteza maisha baada ya kukatwa panga sehemu ya bega lake la kushoto na Shingoni.

Sababu ya mauwaji hayo inaelezwa kuwa ni imani za kishirikina.
Wananchi wakiwa na uongozi wao wa Kijiji baada ya Tukio hilo la kutisha